Доброе утро братья и сестры. Божьей Милости вам и вашим близким.
Пятница.
Постный день. Глас 6-й
Отдание праздника Рождества Пресвятой Богородицы. Сщмч. Автоно́ма Италийского, епископа (313); прп. Афана́сия Высоцкого, Серпуховского чудотворца, игумена (1395).
Перенесение мощей прав. Симео́на Верхотурского (Меркушинского) (1704); прп. Вассиа́на Тиксненского (1624); сщмч. Иулиа́на Галатийского, пресвитера, и с ним 40 мучеников (IV); сщмч. Фео́дора Александрийского, епископа; сщмч. Корну́та, епископа Никомидийского (249–259).
Сщмчч. Фео́дора Лебедева, Иоа́нна Прудентова, Николая Житова, пресвитеров, блж. мч. Алекси́я (Ворошина), Ёлнатского (1937).
Евангелие по Марку
Мк.8:1–10(зач. 32).
-
[Зач. 32.] В те дни, когда собралось весьма много народа и нечего было им есть, Иисус, призвав учеников Своих, сказал им:
-
жаль Мне народа, что уже три дня находятся при Мне, и нечего им есть.
-
Если неевшими отпущу их в домы их, ослабеют в дороге, ибо некоторые из них пришли издалека.
-
Ученики Его отвечали Ему: откуда мог бы кто взять здесь в пустыне хлебов, чтобы накормить их?
-
И спросил их: сколько у вас хлебов? Они сказали: семь.
-
Тогда велел народу возлечь на землю; и, взяв семь хлебов и воздав благодарение, преломил и дал ученикам Своим, чтобы они раздали; и они раздали народу.
-
Было у них и немного рыбок: благословив, Он велел раздать и их.
-
И ели, и насытились; и набрали оставшихся кусков семь корзин.
-
Евших же было около четырех тысяч. И отпустил их.
-
И тотчас войдя в лодку с учениками Своими, прибыл в пределы Далмануфские.
Мысли Феофана Затворника
Насытив четыре тысячи семью хлебами, Господь «тотчас восшед в лодку, прибыл в пределы Далмануфские», как будто ничего особенного не сделано. Таково истинное доброделание — делать и делать, не обращая внимание на сделанное, и всегда забывая задняя, простираться впредняя. У исполненных доброты это бывает как бы естественно. Как богатырь поднимает большие тяжести, не замечая того, а малосильный и малую тяжесть подняв, не может этого забыть; так сильный добротой всякое добро делает без напряжения, только бы случай; а скудный добротою без напряжения не может обойтись: оно и памятно ему, и он все на него посматривает, все озирается. Доброе сердце жаждет доброделания, и не бывает довольно, когда не наделает добра вдоволь, как не бывает сыт человек, пока не наестся. Как здесь, пока чувствуется голод, помнится обед, а когда голод утолен, то все забыто. Так и у истинно доброго помнится доброе дело, пока еще не сделано, а когда сделано, то и забыто.
Тропари, кондаки, молитвы и величания
В ПЯТНИЦУ, СВ. КРЕСТУ
ТРОПАРЬ В ПЯТНИЦУ, св. Кресту, глас 1
Спаси́, Го́споди, лю́ди Твоя́/ и благослови́ достоя́ние Твое́,/ побе́ды на сопроти́вныя да́руя// и Твое́ сохраня́я Кресто́м Твои́м жи́тельство.
КОНДАК В ПЯТНИЦУ, св. Кресту, глас 4
Вознесы́йся на Крест во́лею,/ тезоимени́тому Твоему́ но́вому жи́тельству,/ щедро́ты Твоя́ да́руй, Христе́ Бо́же,/ возвесели́ нас си́лою Твое́ю,/ побе́ды дая́ нам на сопоста́ты,/ посо́бие иму́щим Твое́ ору́жие ми́ра,// непобеди́мую побе́ду.
СВЯЩЕННОМУЧЕНИКУ АВТОНОМУ, ЕПИСКОПУ ИТАЛИЙСКОМУ
Тропарь священномученику Автоному, епископу Италийскому, глас 4
И нра́вом прича́стник,/ и престо́лом наме́стник апо́столом быв,/ дея́ние обре́л еси́, богодухнове́нне,/ в виде́ния восхо́д:/ сего́ ра́ди, сло́во и́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Автоно́ме,/ моли́ Христа́ Бо́га// спасти́ся душа́м на́шим.
Кондак священномученику Автоному, епископу Италийскому, глас 2
Боже́ственная, прему́дре, непоро́чне тайноводи́л еси́,/ же́ртва прия́тная был еси́, богоблаже́нне:/ Христо́ву бо пил еси́ Ча́шу, пресла́вне,/ свети́льниче всеми́рный,// моля́ непреста́нно о всех нас.
ПРЕПОДОБНОМУ АФАНАСИЮ ВЫСОЦКОМУ, СЕРПУХОВСКОМУ, МЛАДШЕМУ
Тропарь преподобному Афанасию Высоцкому, Серпуховскому, Младшему, глас 8
О́браз Бо́жий в богосотворе́нней душе́ твое́й,/ у́м, сло́во, и ду́х соблюда́я/ впери́лся еси́, о́тче преподо́бне Афана́сие,/ любо́вию ко Всетво́рцу Бо́гу,/ и сего́ ра́ди/ моли́твы, труды́, и по́двиги доброде́тельныя восприи́м,/ преше́л еси́ в ве́чныя небе́сныя кро́вы./ Отню́дуже назира́й на́с,/ моля́ Святу́ю Тро́ицу,// е́же насле́дити на́м го́рнее всера́достное блаже́нство.
Молитва преподобному Афанасию Высоцкому, Серпуховскому, Младшему
О, преподо́бне и богоно́сне о́тче на́ш Афана́сие! Ты́, порабо́тати Го́сподеви жела́я, зде́ всели́лся еси́, и неле́ностно во труде́х, во бде́ниих, в моли́твах и посте́х подвиза́лся еси́, и бы́л еси́ наста́вник мона́шествующим, все́м же лю́дем учи́тель ре́вностный. Ны́не у́бо, по отше́ствии твое́м от земны́х, Небе́сному Царю́ предстоя́, моли́ бла́гость Его́, е́же уще́дрити ме́сто селе́ния твоего́, святу́ю оби́тель сию́, иде́же ду́хом любве́ твоея́ неотсту́пно пребыва́еши, и все́м лю́дем твои́м, с ве́рою к ра́це твое́й припа́дающим, во блага́я проше́ния и́х испо́лнити. Испроси́ у Ми́лостиваго Го́спода на́шего, да ниспо́слет на́м оби́лие бла́г земны́х, па́че же я́же на по́льзу ду́ш на́ших да да́рует на́м, и сконча́ти житие́ сие́ привре́менное в покая́нии да сподо́бит, в де́нь же Су́дный десна́го предстоя́ния и наслажде́ния во Ца́рствии Свое́м да удосто́ит во ве́ки веко́в. Ами́нь.
Молитва вторая преподобному Афанасию Высоцкому, Серпуховскому, Младшему
О, чудотво́рче пресла́вный и засту́пниче кре́пкий Бо́гом собра́нней дружи́не се́й! К тебе́, я́ко ско́рому и избра́нному спасе́ния на́шего хода́таю, Богоизбра́нному духо́вных во́инств воево́де, ору́жием моли́твы твоея́ победи́телем над враги́ я́вльшуся, пред ра́кой святы́х моще́й твои́х припа́дающе, преподо́бне о́тче на́ш Афана́сие, вседу́шно прибега́ем: не отврати́ся на́шея нищеты́, моле́нию на́шему внемли́, и от бе́д на́с, святу́ю оби́тель сию́, гра́д се́й и преде́лы его́ сохрани́. Простри́ ру́ку твою́, ско́рую по́мощь подаю́щую. Упра́ви у́м на́ш от пагубоно́сных разсе́яний, и сердца́ на́ша оскверне́нная очи́сти, освяти́ и горе́ име́ти утверди́. От вра́г ви́димых и неви́димых на́с сохрани́, да над страстьми́ победи́тели яви́мся, творя́ще святы́ню во стра́се Госпо́дни, и вся́кое уны́ние попра́вше, ра́доватися о Го́споде начне́м: и та́ко твои́ми хода́тайствы, во смире́нии и простоте́ се́рдца сподо́бимся до после́дняго издыха́ния боголе́пно сла́вити Святу́ю Тро́ицу, Отца́, и Сы́на, и Свя́та Ду́ха, ны́не, и при́сно, и во ве́ки веко́в. Ами́нь.
ПРАВЕДНОМУ СИМЕОНУ ВЕРХОТУРСКОМУ, НА ПРОСЛАВЛЕНИЕ
Тропарь праведному Симеону Верхотурскому, на прославление, глас 4
Мирска́го мяте́жа бе́гая, все жела́ние обрати́л еси́ к Бо́гу,/ да в виде́ния восхо́д обря́щеши горе́,/ отню́дуже не уклони́вся в лука́вствия се́рдца,/ но очи́стив ду́шу и те́ло,/ прия́л еси́ благода́ть точи́ти цельбы́ ве́рным и неве́рным,/ притека́ющим к тебе́, пра́ведный Симео́не./ Те́мже, по да́нному ти да́ру,/ испроси́ у Христа́ Бо́га исцеле́ние нам, боля́щим душе́вными страстьми́,// и моли́ спасти́ ду́ши на́ша.
Кондак праведному Симеону Верхотурскому, на прославление, глас 2
Ми́ра су́етнаго отве́рглся еси́,/ да бла́га ве́чныя жи́зни насле́диши,/ возлюби́в незло́бие и чистоту́ души́ и те́ла./ Сниска́л еси́, е́же возлюби́л,/ свиде́тельствуют бо о сем гроб и нетле́ние моще́й твои́х,/ и благода́ть чудотворе́ния наипа́че./ То́чиши бо цельбы́ всем притекаю́щим к тебе́ и непросвеще́нным,/ Симео́не блаже́нне,// чудотво́рче преди́вный.
Молитва праведному Симеону Верхотурскому
О, святы́й и пра́ведный Симео́не, чи́стою душе́ю твое́ю в Небе́сных оби́телех в ли́це святы́х водворя́яйся, на земли́ же с на́ми неотсту́пно пребыва́яй! По да́нней ти благода́ти от Го́спода моли́тися о нас, ми́лостивно при́зри на нас многогре́шных, а́ще и недосто́йне, оба́че с ве́рою и упова́нием к тебе́ притека́ющих, и испроси́ нам от Бо́га проще́ние согреше́ний на́ших, в ня́же впада́ем мно́жицею во вся дни жития́ на́шего. И я́коже пре́жде о́вым у́бо, от о́чныя зе́льныя боле́зни ни ма́ло зре́ти могу́щим исцеле́ние оче́с, о́вым же близ сме́рти бы́вшим от лю́тых неду́гов врачева́ние, и ины́м ина́я мно́гая пресла́вная благодея́ния дарова́л еси́: си́це изба́ви и нас от неду́гов душе́вных и теле́сных и от вся́кия ско́рби и печа́ли, и вся блага́я к настоя́щему житию́ на́шему и к ве́чному спасе́нию благопотре́бная нам от Го́спода испроси́, да та́ко твои́м предста́тельством и моли́твами стяжа́вше вся нам поле́зная, а́ще и недосто́йнии, благода́рне восхваля́юще тя, просла́вим Бо́га, ди́внаго во святы́х Свои́х, Отца́, и Сы́на, и Свята́го Ду́ха, ны́не и при́сно и во ве́ки веко́в. Ами́нь.
Ин тропарь праведному Симеону Верхотурскому, на перенесение мощей, глас 4
Днесь ра́дуется сла́вная страна́ Сиби́рь,/ обре́т святы́я мо́щи твоя́ внутрь себе́./ Архиере́е, свяще́нницы и весь сонм людски́й/ духо́вне веселя́щеся, вопие́м ти:/ о Богому́дре Симео́не!/ Изба́ви нас, и́же к тебе́ прибега́ющих, от всех бед,/ прося́ пода́тися всем по коего́ждо проше́нию,/ и изба́витися стране́ сей и гра́ду/ от о́гненнаго запале́ния и пога́нскаго наше́ствия/ и междоусо́бныя бра́ни и от вся́каго зла./ Те́мже и мы вси чтем ны́не честны́х и многоцеле́бных моще́й твои́х пренесе́ние,/ но́вый целе́бниче, и вопие́м:// сла́ва Даю́щему тобо́ю всем исцеле́ние!
Ин кондак праведному Симеону Верхотурскому, на перенесение мощей, глас 4
Наста́ днесь всечестна́я па́мять но́ваго целе́бника/ пра́веднаго Симео́на,/ созыва́ет же лю́ди в пречестны́й храм свята́го Бо́жия архиере́я Никола́я,/ иде́же ра́достно соше́дшеся благочести́вых мно́жества,/ ве́село пра́зднуют пренесе́ние честны́х и многоцеле́бных моще́й твои́х пра́здник./ Ты бо яви́лся еси́ гра́ду на́шему, и всей Сиби́ри врачевство́ безме́здное,/ подава́я исцеле́ние с ве́рою приходя́щим к тебе́, Симео́не всеблаже́нне./ Но я́ко име́яй дерзнове́ние ко Влады́це Христу́,/ Того́ моли́ спасти́ град и лю́ди, моля́щияся тебе́,/ па́че же хода́тай бу́ди ко Го́споду/ во дни наше́ствия печа́ли рабо́м твои́м, да зове́м ти:// ра́дуйся, Сиби́рстей стране́ похвало́ и утвержде́ние гра́ду на́шему.
СВЯЩЕННОМУЧЕНИКУ ФЕОДОРУ ЛЕБЕДЕВУ
Тропарь священномученику Феодору Лебедеву, глас 3
Це́ркве Ру́сския сто́лпе непоколеби́мый,/ благоче́стия пра́вило,/ жития́ ева́нгельскаго о́бразе,/ священному́чениче Фео́доре,/ Христа́ ра́ди пострада́вый да́же до кро́ве,/ Его́же моли́ усе́рдно,/ я́ко Нача́льника и Соверши́теля спасе́ния,/ Русь Святу́ю утверди́ти в Правосла́вии// до сконча́ния ве́ка.
Кондак священномученику Феодору Лебедеву, глас 2
Восхва́лим, ве́рнии,/ изря́днаго в свяще́нницех и сла́внаго в му́ченицех Фео́дора,/ Правосла́вия побо́рника и благоче́стия ревни́теля,/ земли́ Ру́сския кра́сное прозябе́ние,/ и́же страда́нием Небесе́ дости́же/ и та́мо те́пле мо́лит Христа́ Бо́га// спасти́ся душа́м на́шим.
МУЧЕНИКУ АЛЕКСИЮ ЕЛНАТСКОМУ (ВОРОШИНУ)
Тропарь мученику Алексию Елнатскому (Ворошину), глас 4
Христа́ ра́ди юро́дство прия́л еси́/ и му́ченическаго венца́ сподо́бился еси́,/ и да́р проро́чества от Бо́га стяжа́л еси́,/ за него́же и заключе́ние претерпе́л еси́,/ святы́й блаже́нный Алекси́е,/ моли́ ми́лостивого Бо́га// грехо́в оставле́ние на́м дарова́ти.
Кондак мученику Алексию Елнатскому (Ворошину), глас 4
На раскале́нные пли́нфы бы́в поста́влен еси́,/ па́че все́х Христа́ Бога возлюби́л еси́/ и се́рдце мучи́телево любо́вию свое́ю уязви́л еси́,/ о гряду́щем в его́ до́ме несча́стье уве́дев еси́,/ святы́й блаже́нный Алекси́е,/ и от на́ших домо́в моли́твою свое́ю напа́сти отгони́// и кова́рство ду́хов зло́бы разори́.
Ин тропарь мученику Алексию Елнатскому (Ворошину), глас 1
Раче́нием боже́ственным уязви́вся от ю́ности,/ юро́дством во́льным му́дрость ве́ка сего́ посрами́л еси́,/ прему́дрости Бо́жией в та́йных поуча́яся,/ предзре́л еси́, я́ко настоя́щая, гряду́щая,/ не сло́вом, но житие́м о́браз бы́в доброде́тели,/ страда́льчески тече́ние сконча́л еси́,/ те́мже Христо́с сугу́ба венца́ сподо́би тя́, блаже́нне Алекси́е,// Его́же моли́ спасти́ся душа́м на́шим.
Ин кондак мученику Алексию Елнатскому (Ворошину), глас 6
Христо́вою любо́вию распала́емь,/ не убоя́лся еси́ веще́ственнаго огня́,/ терпе́нием твои́м врага́ посрами́в,/ се́рдце мучи́телево уязви́л еси́ кро́ткими твои́ми глаго́лы,/ провеща́я гне́в Бо́жий, пра́ведно гряду́щий на́нь,/ и о проще́нии все́х, блаже́нне, моля́ся./ Те́мже тебе́ припа́даем и те́пле вопие́м:// не премолчи́’ за ны́ ко Го́споду.